Ermənilərin qətlə yetirdiyi Tərtər sakininin meyiti ailəsinə təhvil verilib - YENİLƏNİB
Ötən gün Tərtərin cəbhəyanı Çaylı kəndi istiqamətində Tərtər çayında balıq tutarkən ermənilər tərəfindən qətlə yetirilən Əliyev Mübariz İsrafil oğlunun meyiti ailəsinə təhvil verilib.
Onun meyitini yerli hüquq-mühafizə orqanlarının əməkdaşları hadisə yerindən götürüblər. M. Əliyevin cəsədi Tərtər MRX-nın morqunda müayinə edildikdən sonra ailəsinə təhvil verilib.
***
Ermənistan Silahlı Qüvvələrinin atəşkəsi pozması nəticəsində bir nəfər mülki şəxs ölüb.
Tərtər şəhər sakini Mübariz Əliyev Çaylı kəndi yaxınlığında Tərtər çayı sahilində balıq tutarkən Ermənistan Silahlı Qüvvələrinin Azərbaycanın işğal edilmiş ərazilərindən açdığı atəş nəticəsində öldürülüb.
Hadisə iyulun 18-də axşam saatlarında baş verib.
Hazırda hüquq-mühafizə orqanlarının əməkdaşları meyitin hadisə yerindən çıxarılmasına çalışırlar.(apa)
Olke.az
