Əri tərəfindən bıçaqlanan qadın öldü
Ucarda ötən gün bıçaqlanan qadın dünyasını dəyişib
Ucar Mərkəzi Rayon Xəstəxanasından APA-nın yerli bürosuna verilən məlumata görə, dünən həyat yoldaşı tərəfindən bıçaqlanan 37 yaşlı Heydərova Elnarə Rafiq qızı bu gün səhər saatlarında xəstəxanada vəfat edib.
Polisdən verilən məlumata görə, hadisəni törədərək qaçan Heydərov Qalib Abdin oğlu saxlanılaraq istintaqa cəlb olunub.
Qeyd edək ki, hadisə dünən Ucar rayonunun Qaradağlı kəndində baş verib.
Hacıqabul rayon sakini Q. Heydərov ailə münaqişəsi zəminində həyat yoldaşı E. Heydərovanı ata evində bıçaqlayaraq ağır xəsarət yetirmişdi.
Olke.az
