Bəxtiyar Hacıyevin məhkəməsi sabaha qaldı
Yasamal rayon Məhkəməsinin qərarı ilə Bəxtiyar Hacıyevin məhkəməsi sabaha kimi təxirə salınıb.
Ölkə.Az xəbər verir ki, vəkil Cavad Cavadovun APA-ya verdiyi məlumata görə, məhkəmə müdafiə tərəfinin kamera görüntülərinin məhkəməyə təqdim olunması barədə vəsatəti təmin edib.
Prosesdə elan olunub ki, sabah məhkəmə prosesində müşahidə kameralarının kadrları nümayiş olunacaq.
Qeyd edək ki, B.Hacıyev ilə Yol Patrul Xidmətinin əməkdaşı olan polis nəfəri arasında mübahisə baş verib. Həmin polis əməkdaşı B.Hacıyevdən şikayət edib. Bundan sonra B.Hacıyev Yasamal rayon 27-ci Polis Bölməsinə çağırılıb.
