Ukraynada Azərbaycan vətəndaşlarını orqan transplantasiyası məqsədilə xaricə göndərən qrup üzvləri yaxalanıb

Ukrayna Təhlükəsizlik Xidmətinin (SBU) əməkdaşları Kiyevdə insan orqanlarının alveri ilə məşğul olan beynəlxalq cinayətkar qruplaşmanın fəaliyyətində iştirak edən 2 ölkə vətəndaşını həbs ediblər.

SBU-dan bildiriblər ki, şübhəli şəxslər əsasən aztəminatlı kənd sakinləri olan donorları əməkdaşlığa cəlb edərək onları qanunsuz orqan transplantasiyası məqsədilə Asiya və Latın Amerikası ölkələrinə göndərirmiş: “2010-2014-cü illər ərzində onlar 500-ə yaxın Ukrayna, Azərbaycan, Ermənistan, Litva və Rusiya vətəndaşını ölkə xaricinə göndəriblər”.

Saxlanılan şəxslərin günahı sübut olunarsa, onları 12 ilə qədər həbs cəzası gözləyir. (APA)

Ölkə.Az