FHN “Araz” hotelinin söküntüsü zamanı divarın uçmasını təkzib edib
Azərbaycan FHN “Araz” hotelinin sökülməsi zamanı divarın uçması məlumatını təkzib edib.
Ölkə.Az xəbər verir ki, qurumdan haqqin.az-a verilən məlumata görə, FHN işçiləri binanın sökülməsinə tam nəzarət edirlər və orada heç bir fövqəladə vəziyyət yaranmayıb.
“Xəsarət alan qadına qaldıqda isə, insident bu ərazidə baş verməyib”, - məlumatda deyilir.
***
Dünən Bakının Yusif Səfərov küçəsində “Araz” hotelinin söküntü işləri aparılan zaman bitişik binada yerləşən şirkətin əməkdaşları xəsarət alıb.
Ölkə.Az Virtualaz.org-a istinadən xəbər verir ki, fəhlələr həmin şirkətin əməkdaşlarını iş yerini tərk etmələri barədə xəbərdar etməyiblər və otel binasının daşıyıcı divarlarını sökməyə başlayıblar. Bu, qonşu binanın da divarının uçmasına səbəb olub.
Hadisə nəticəsində bir neçə nəfər xəsarət alıb.
Xəsarət almış qadınlardan biri xəstəxanaya çatdırılıb.
