Bakıda kişi sevgilisini bıçaqladı
Mətn ölçüsü:
  • 100%

Bakıda kişi sevgilisini bıçaqladı

1989-cu il təvəllüdlü A.K adlı qadın 3 saylı şəhər xəstəxanasına, kəsici bıcaq yarası ilə daxil olub.

Ölkə.Az xəbər verir ki, bu barədə Sputnik-ə Xəzər rayonu Polis İdarəsindən məlumat verilib.

Məlumata əsasən, A.K dekabrın 25-də səhər saat 7 radələrində Şüvəlan qəsəbəsində yaralanıb. Burada qadın və onun sevgilisi son altı ay ərzində kirayədə yaşayıblar. Cinayəti törətməkdə, məhz onun sevgilisi ittiham edilir. Fakt üzrə 1991-ci il təvəllüdlü Nurəliyev Məzahir Əzizağa oğlu saxlanılıb.

Nurəliyev bildirib ki, cinayəti münaqişə zəmnində törədib. Hirsli vaxtında o, bıçağa əl atıb və yalnız hadisə baş verəndən sonra nə olduğunu anlayıb. Onun sözlərinə görə, münaqişə qısqanclıq zəmnində baş verib. Nurəliyev sevgilisinin başqa kişi ilə əlaqədə olmasından şübhələnib.

Polisdən verilən məlumata görə, qadının vəziyyəti orta ağır olaraq qiymətləndirilir.