Dəm qazı can aldı

Bakıda dəm qazından bir nəfər boğulub

Ölkə.Az-ın Daxili İşlər Nazirliyinin mətbuat xidmətinə istinadən verdiyi məlumata görə, hadisə dünən Qaradağ rayonunun Lökbatan qəsəbəsində baş verib.

Axşam saatlarındaq qəsəbə sakini Ceyhun Mahmudov evdə dəm qazından boğulub.

Bundan başqa, ötən gün ərzində Bakıda dəm qazından 12 nəfər zəhərlənib.

Zəhərlənmə faktları paytaxtın müxtəlif ərazilərində qeydə alınıb. Dəm qazından zəhərlənənlərin əksəriyyəti azyaşlıdır. Zəhərlənənlər xəstəxanalara yerləşdirilib. Onlardan üçünün vəziyyəti daha ağırdır.

Hadisələrin əksəriyyəti paytaxtdakı həyət evlərində qeydə alınıb.

Qeyd edək ki, oktyabr ayından havaların soyuq keçməsi səbəbindən başlayaraq paytaxtda dəm qazından zəhərlənənlərin sayında artım müşahidə olunub. Fövqəladə Hallar Nazirliyindən bildirilir ki, hər il qış mövsümünün gəlişilə bağlı qurum tərəfindən müxtəlif maarifləndirmə işləri aparılır. Əhaliyə “mavi yanacaq”dan istifadə ilə bağlı yaddaş kitabçaları paylanır. İctimai yerlərdə plakat şəklində maarifləndirici məlumatlar vurulur. Kütləvi informasiya vasitələrində maarifləndirici reklamlar yayimlanır. Bundan əlavə, nazirliyin əməkdaşları mənzillərdə yoxlamalar həyata keçirirlər.

Bundan başqa sobaların tüstü borularının bayıra çıxışı yoxlanılır. Suyu qazla qızdırılan duş və vanna otaqlarında nəfəsliklərin olması yoxlanılır. Soba ilə qızdırıcı sistemlərdə texniki baxışdan keçirilir. Havatəmizləyici bacalar və borularda dəm qazının çıxmasına maneçilik törədən nasazlıqlar olarsa, dərhal onun aradan qladırılması istiqamətində tədbirlər görülür.

Ölkə.Az