Avtomobil ağaca çırpıldı, sürücü öldü

Sürücü idarəetməni itirdikdə avtomobil yolda təqribən 30 metr sürüşüb, sonra yoldan çıxaraq bir ağaca dəyib 

Yüksək sürət yenə can aldı. Hadisə Mingəçevirdə baş verib.1985-cı il təvəllüdlü Əkbərov Zaur Nadir oğlu idarə etdiyi “Mersedes” markalı 90-BA-980 dövlət nömrə nişanlı avtomobildə idarəetməni itirərək səkiyə qalxıb və 2 ağaca çırpılıb. 

Sürücü idarəetməni itirdikdə avtomobil yolda təqribən 30 metr sürüşüb, sonra yoldan çıxaraq bir ağaca dəyib. Bundan sonra isə istiqamətini dəyişərək 10-15 metr aralıqdakı digər ağaca çırpılıb.

Sürücü sakinlərin köməyi ilə maşından çıxarılıb. Təcili tibbi yardım onu Mingəçevir şəhər Mərkəzi Xəstəxanasına çatdırsa da onun həyatını xilas etmək mümkün olmayıb. 

Faktla bağlı Mingəçevir Şəhər Polis Şöbəsində araşdırma aparılır. (qafqazinfo)

Ölkə.Az