Körpüyə çıxan şəxs intihar fikrindən daşındı
Bakıda daha bir nəfər intihar etmək üçün “Koroğlu” körpüsünə çıxıb.
Özünü atmaq istəyən şəxsin 25-30 yaşlarında gənc olduğu bildirilir.
Hadisə yerinə Fövqəladə Hallar Nazirliyinin xilasediciləri və polislər cəlb olunub. Hazırda intihar etmək istəyən şəxslə psixoloji söhbət aparılır. (qafqazinfo)
***
APA-nın verdiyi xəbərə görə, intihar etmək istəyən şəxs Tovuz rayonundan olan, 1969-cu il təvəllüdlü Nizami Musayevdir.
***
Fövqəladə Hallar Nazirliyinin Xüsusi Riskli Xilasetmə Xidmətinin əməkdaşlarının N. Musayevlə apardıqları danışıqlar nəticəsində o, fikrindən daşınıb. FHN əməkdaşları təhlükəsizlik qaydalarına əməl etməklə N. Musayevi körpüdən endirərək, aidiyyatı üzrə təhvil veriblər.
Ölkə.Az
