İki minik maşını toqquşdu; yaralılar var

Cəlilbad rayonunda iki minik avtomobilinin toqquşması ilə nəticələnən yol qəzası baş verib.

Hadisə Ələt Astara magistral yolunun Cəlilabad rayonundan keçən hissəsində qeydə alınıb. Yolda hərəkətdə olan VAZ-2114 markalı avtomobil ilə VAZ-2106 markalı maşın toqquşub. 

Qəzanın təsirindən VAZ-2106 markalı avtomobil yoldan çıxaraq aşıb və avtomobilin içinə yüklənmiş mandarinlər yola dağılıb. Hadisə nəticəsində iki nəfər xəsarət alıb. Yaralılar hadisə yerinə çağırılmış təcili tibbi yardım maşını ilə xəstəxanaya çatdırılıb.

Faktla bağlı araşdırma aparılır. (anspress)

Ölkə.Az