Paşinyandan şok etiraf: “Erməni hərbçilər Azərbaycan əsgərlərini girov götürməyə cəhd edib”
Ermənistanın baş nazir əvəzi Nikol Paşinyan Təhlükəsizlik Şurasının bu gün keçirilən iclasında Azərbaycanla sərhəddə yaranan gərginliyi müzakirə edib.
“Ölkə.Az” “novosti-armenia”ya istinadən xəbər verir ki, Paşinyan sərhəddə gərginliyin artdığını və artmaqda davam edəcəyini vurğulayıb.
“Söhbət təkcə hərbçilərin qarşı qarşıya durmasından getmir. Bu gün baş verən hadisədən sonra bizim (yəni Ermənistanı-red) Silahlı Qüvvələrimiz onları (azərbaycanlıları-red) girov götürmək istəyir. Bununla da cavab addımı atmaq istəyirlər”- Paşinyan çıxışında bildirib.
Paşinyan eyni zamanda son günlərdə baş verən təxribatların genişmiqyaslı hərbi əməliyyatlara keçid alacağını da bildirib.
Mürtəza
Ölkə.az
