Türkiyənin "Patriot" və "S-400"ə alternativi uğurla sınaqdan keçirildi
Türkiyənin "Siper" milli hava hücumundan müdafiə sistemi uğurlu sınaqdan keçirilib. "Ölkə.az" xəbər verir ki, bu barədə Türkiyənin Müdafiə Sənayesi Nazirliyinin rəhbəri İsmayıl Dəmir məlumat verib.
"Müdafiə sənayesindən Türkiyə xalqına yeni il hədiyyəsi. "Siper” uzaqmənzilli hava hücumundan müdafiə sistemimizin sınaq sınaqları zamanı idarə olunan raket 100 km-dən çox məsafədəki hədəfi uğurla vurub”, - deyə o, "Twitter"də yazıb.
Türkiyədə Rusiyanın S-400 və ABŞ-ın "Patriot"larına alternativ olaraq yaradılan “Siper” hava hücumundan müdafiə sistemi 2023-cü ildə Türkiyə ordusunun arsenalına daxil olacaq.
Türkiyə bu sistemi 2019-cu ildə inkişaf etdirməyə başlayıb. Türkiyənin planlarına görə, 2026-cı ilə qədər "Siper" sistemi milli hava hücumundan müdafiə sisteminin əsasını təşkil etməlidir.
Elvin
Ölkə.az
