Elçin Quliyev yeni mərkəzin açılışını etdi - FOTOLAR
Bu barədə Ölkə.az-a qurumun Mətbuat Mərkəzindən məlumat verilib.
DSX rəisi, general-polkovnik Elçin Quliyev və xidmətin digər vəzifəli şəxsləri açılışda iştirak ediblər.
Dövlət Himninin səsləndirilməsi ilə başlayan tədbirdə Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad edilib.
Çıxış edənlər Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə Dövlət Sərhəd Xidmətində müasir hərbi infrastrukturun yaradılması istiqamətində görülən işlərin şəxsi heyətin peşəkarlığının artırılmasına, onların sosial rifahının yaxşılaşdırılmasına və xidmət fəaliyyətinin daha səmərəli təşkilinə mühüm töhfə verdiyini vurğulayıblar.
Bildirilib ki, Sürücülük Mərkəzində inzibati və tədris binaları müasir standartlara uyğun yenidən qurulub, sürücülərin nəzəri və praktiki hazırlığının təşkili üçün zəruri tədris bazası yaradılıb, müasir avadanlıqlarla təchiz edilən sinif otaqları, təlim meydançaları, texniki xidmət sahələri və nəqliyyat vasitələrinin saxlanılması üçün qarajlar istifadəyə verilib.
Mərkəzdə yaradılan müasir infrastruktur təlim prosesinin səmərəliliyinin artırılmasına, sürücülərin peşə hazırlığının daha yüksək səviyyədə təşkilinə və Dövlət Sərhəd Xidmətinin nəqliyyat təminatı imkanlarının gücləndirilməsinə xidmət edəcəkdir.
Tədbirin rəsmi hissəsindən sonra Dövlət Sərhəd Xidmətinin rəhbərliyi mərkəzdə yaradılmış şəraitlə tanış olub, müasir qərargah binası, sürücülərin nəzəri-praktiki hazırlığının təşkilində zəruri infrastruktur, geniş və tam təchiz olunmuş tədris sinifləri, yataqxana, yeməkxana, eləcə də zabit evlərinə baxış keçiriblər.
