Ukrayna NATO-nun əsas ölkəsi funksiyasını yerinə yetirir - Reznikov
O, "LB.ua"ya müsahibəsində deyib ki, bu, resurslar müharibəsidir və Rusiya ciddi itkilər verir.
"NATO kəşfiyyatı bildirir ki, rusiyalıların tanklarda, artilleriyada, piyada döyüş maşınlarında, zirehli transportyorlarda, canlı qüvvədə itkiləri çox ciddidir. Rusiya Federasiyası nizami qoşunları ən azı beş, hətta on ilə bərpa edə bilər", - nazir bildirib.
Reznikovun sözlərinə görə, Qərb ölkələri Ukraynanın döyüş meydanında qələbəsində maraqlıdır. Təcavüzkar və əsas təhlükəyə çevrilmiş Rusiyanın hərbi potensialını azaltmaq zərurəti var.
"Bu gün Ukrayna Rusiya ordusunu məhv edən NATO-nun əsas ölkəsi funksiyasını yerinə yetirir. Onlar artıq onun vaxtilə "dünyanın ikinci ordusu" olmasından danışmırlar", - Müdafiə Nazirliyinin rəhbəri vurğulayıb.
Elvin
Ölkə.az
