Bakıda hərbi paradda aviasiyanın nümunəvi uçuşları göstərilib - Foto

Azərbaycan Ordusunda silahlanmaya yeni hərbi yük təyyarələri qəbul edilib.

"Ölkə.Az" xəbər verir ki, bu gün Bakıda keçirilən hərbi paradda İL-76 hərbi nəqliyyat və silahlanmaya yeni qəbul edilmiş C-27J hərbi yük təyyarələri nümayiş olunub.

Üçlü uçuşu polkovnik leytenant Zəfər Fərhadov, "Rəşadət" ordenli polkovnik Ruslan Ələkbərov və "Qarabağ" ordenli polkovnik Vüqar Salahov idarə edib.

***

Hərbi paradda ilk dəfə silahlanmaya yeni qəbul edilmiş "JF-17" çoxməqsədli qırıcı təyyarələr aviasiyanın nümayiş uçuşunda göstərilib.

***

Türkiyə Hərbi Hava Qüvvələrinə məxsus "F-16" qırıcı təyyarələri noyabrın 8-də Bakıda keçirilən Vətən müharibəsində Qələbənin beşinci ildönümünə həsr olunmuş hərbi paradda uçuş həyata keçirib.

Avianümayişə Türkiyə Silahlı Qüvvələrinin polkovniki Nevzat Oflamaz başçılıq edib.

***

Bakıda Vətən müharibəsində Qələbənin beşinci ildönümünə həsr olunmuş hərbi paradda hərbi aviasiyanın nümunəvi uçuşları başlayıb.

***

Bakıda Vətən müharibəsində Qələbənin beşinci ildönümünə həsr olunmuş hərbi paradda hərbi texnikanın keçidi başlayıb.

Ölkə.Az xəbər verir ki, ilk olaraq xüsusi təyinatlı avtomobil texnikası və silah sistemləri kalonu Azadlıq meydanına daxil olub.

Kolona Vətən uğrunda medalı ilə təltif olunmuş general-mayor Eldəniz Yəhyayev başçılıq edir.