Avro-2107: Qadın voleybolçularımız yarımfinalda
Sentyabrın 29-da qadın voleybolçular arasında Avropa çempionatında 1/4 final mərhələsinin sonuncu yarış gününə Azərbaycan-Almaniya matçı ilə start verilib.
Ölkə.Az-ın məlumatına görə, Faiq Qarayevin komandası qrup mərhələsində 3:1 hesabı ilə məğlub etdiyi Almaniya millisinə bu dəfə heç bir şans verməyib.
Milli Gimnastika Arenasında keçirilən oyun Azərbaycan yığmasının 3:0 hesablı qələbəsi ilə başa çatıb.
Yarımfinal mərhələsində milli komandamız Hollandiya yığması ilə üz-üzə gələcək.
Qeyd edək ki, yarımfinalın sonuncu iştirakçısı saat 20:30-da Rusiya və Türkiyə voleybolçuları arasında qarşılaşmadan sonra müəyyənləşəcək.