UEFA \"Qarabağ\"dan üzr istəyəcək

Avropa Liqasının VI turunda “Qarabağ” və İtaliyanın “İnter” komandaları arasında keçirilmiş qarşılaşma heç bir halda yenidən oynanılmayacaq.

Ölkə.Az bildirir ki, bu barədə Sportnet.az-a UEFA-dakı mötəbər mənbələrdən bildirilib.

Mənbə deyib ki, “Qarabağ”ın qolunu saymayan çexiyalı baş hakim Miroslav Zelinka uzunmüddətli cəzaya məruz qalacaq. O, yalnız yanlış qərarı üzündən cəzalanacaq. UEFA rəsmisi matçın vaxtından tez yekunlaşdırıldığına dair fikirləri düzgün saymayıb.

Digər tərəfdən, “Qarabağ”a yanlış qərarla bağlı üzrxahlıq ediləcək. Çox güman ki, üzrxahlıq UEFA Hakimlər Komitəsi adından rəsmi məktubda əksini tapacaq. Mənbə olaya tezliklə hüquqi qiymət veriləcəyini də əlavə edib.

Qeyd edək ki, 0:0 hesabı ilə nəticələnən matçın 90+4-cü dəqiqəsində Miroslav Zelinka “Qarabağ”ın futbolçusu Riçard Almeydanın təmiz qolunu saymayıb. Çexiyalı referi köməkçilərinin xəbərdarlığından sonra ofsayd qeydə alıb.

Ölkə.Az