\"Qarabağ\" çempion oldu

Bu gün Topaz Premyer Liqasında XVIII turun oyunları keçirilib və II dövrəyə yekun vurulub.

Baş tutan 4 matç 2014-cü ilin son oyunları oldu.

İki oyun eyni saatda - 15.00-da başlayıb. "Xəzər Lənkəran" AZAL-ı, "Qəbələ" "İnter"i qəbul edib. 30 dəqiqə sonra çempion "Qarabağ" "Sumqayıt"ı qəbul etdt. İlin son oyununda isə "Simurq" "Bakı"nı sınağa çəkib.

"Xəzər Lənkəran" - AZAL oyunu 1:1 hesabı ilə başa çatıb. "Qəbələ" - "İnter" matçı da 1:1 hesabı ilə başa çatıb.

Premyer Liqanın hazırkı lideri "Qarabağ" klubu öz meydanında "Sumqayıt"la münasibətlərinə aydınlıq gətirib. "Qarabağ" bu oyunda 2:0 hesabı ilə qalib gəlməklə qış fasiləsinə çempion kimi yollanıb.

Tura Zaqatalada "Simurq" - "Bakı" oyunu ilə yekun vurulmalı idi, lakin hava dumanlı olduğundan oyun dayandırılıb. (anspress)

Ölkə.Az