Bakı-2015-də Azərbaycanı təmsil edəcək ilk idmançılar bəlli oldu

2015-ci ildə Bakıda keçiriləcək I Avropa Oyunlarında Azərbaycanı təmsil edəcək ilk idmançıların adları dəqiqləşib.

Ölkə.Az apasport.az-a istinadən xəbər verir ki, iyunun 12-28-də baş tutacaq yarışın güllə atıcılığı növündə ölkəmizin idman şərəfini 2 snayper qoruyacaq. Bunlar İradə Aşumova və Ruslan Lunyovdu. Afina-2004-ün bürünc medalçısı olan Aşumova Avropa Oyunlarında 2 növdə dəqiqliyini yoxlayacaq. Eyni zamanda, komandamızın baş məşqçisi olan snayper 10 m məsafəyə pnevmatik, 25 m məsafəyə kiçikçaplı tapançadan atəş açacaq. Aşumovadan fərqli, Lunyov 10 m, 25 m və 50 m məsafədən hədəfi nişan alacaq.

Qeyd edək ki, güllə atıcılığı üzrə yarışlar 16-22 iyunda olacaq. Burada qalib gələcək idmançılar birbaşa Rio-de-Janeyro-2016-da iştirak etmək hüququ qazanacaqlar.

Ölkə.Az