Mourinyo hakimdən narazılığını ifadə edib

"Çelsi"nin baş məşqçisi Jozu Mourinyo Premyer Liqanın 20-ci turunda “Tottenhem”ə 3:5 hesabı ilə uduzduqları matçın hakimliyindən narazı qalıb.

Ölkə.Az-ın Qol.Az-a istinadən verdiyi xəbərə görə, o bildirib ki, bu cür hakimlik səbəbindən hətta Eden Hazard İngiltərəni tərk edə bilər: “Ona qarşı kobudluq çox olur. Amma hakim qayda pozuntularını qeydə almır. Qorxuram ki, bu səbəbdən o, İngiltərə Premyer Liqasını tərk etsin. Edenin ayağına nə qədər zərbə endirilir, hakim isə susur. Hazard görür ki, haqlı olduğu halda hakimlər onu müdafiə etmir”.

Mourinyo daha sonra deyib: "Əlbəttə, mən məğlubiyyətə nifrət edirəm. Amma "Nyukasl"dakı matçdakı kimi – hansı ki orda hakimliyin səviyyəsi əla idi – məğubiyyətlərə yox. Təmiz mübarizə şəraitində uduzmaq mənə pis təsir etmir. Eyni sözləri "Tottenhem"lə matça aid etmək olmaz".

Mourinyo bildirib ki, matçın nəticəsi qanunauyğun deyil: "Əgər Fil Daud hesab 1:0 bizim xeyrimizə olarkən haqlı penaltini təyin etsəydi, matçın taleyi həll olunardı. Bu zaman biz açıq futbolun da şahidi olmayacaqdıq" – deyə o qeyd edib.

Ölkə.Az