Güləş üzrə milli komandalarımızın heyəti açıqlandı

Yanvarın 31-dən fevralın 1-dək Fransanın paytaxtı Parisdə güləş üzrə ikinci beynəlxalq Qran-pri turniri keçiriləcək. Yarışda Azərbaycan yığma komandası hər üç güləş növü üzrə mübarizə aparacaq.

Baş məşqçi Saypulla Absaidov və böyük məşqçi Firdovsi Umudovun rəhbərliyi altında sərbəst güləş yığmamızın 10 üzvü Parisə yollanıb. Heyətdə Yaşar Əliyev, Mircəlal Həsənzadə (hər ikisi 57 kq), Hacı Əliyev (61 kq), Məhəmməd Müslümov (65 kq), Toğrul Əsgərov, Ruslan Dibirhacıyev (hər ikisi 70 kq), Cəbrayıl Həsənov (74 kq), Həmzət Osmanov (86 kq), Şərif Şərifov (97 kq) və Cəmaləddin Məhəmmədov (125 kq) yer alıblar.

Qadın güləşçilərimiz turnirdə baş məşqçi Semyon Çterev və məşqçi Konstantin Konorevin rəhbərliyi altında mübarizə aparacaqlar. Yaışrda ölkəmizi Solmaz Həşimzadə (53 kq), Alyona Kolesnik (55 kq), İrina Netreba (58 kq), Natalya Sinişin (60 kq), Elmira Qəmbərova (63 kq), Nadya Muşka (69 kq) və Səbirə Əliyeva (76 kq) təmsil edəcəklər.

Yunan-Roma güləşçilərimiz isə turnirə böyük məşqçi Nurəddin Rəcəbov və məşqçi Akif Əliyevin rəhbərliyi altında qatılacaqlar. Heyətə Murad Məmmədov (59 kq), Kamran Məmmədov, Ruhin Mikayılov (hər ikisi 66 kq), Ceyhun Əliyev (71 kq), Niyaməddin İbrahimov (75 kq), Elvin Mürsəliyev (80 kq), İslam Abbasov (85 kq) və Orxan Nuriyev (98 kq) daxildir.

Görüşləri idarə edəcək hakimlər arasında beynəlxalq dərəcəli hakim Hüseynağa Əhmədov da var./Azərtac/

Ölkə.Az