Ebolaya görə bu futbol komandası cəzalandırıldı

Mərakeş yığması 2015-ci ildə Afrika Xalqları Kuboku turnirinə ev sahibliyi etmək istəmədiyinə görə Afrika Futbol Konfederasiyasının (CAF) İcraiyyə Komitəsi onu 2017 və 2019-cu illərdə bu turnirin iştirakçıları sırasından kənarlaşdırıb. 

Ötən ilin noyabr ayında Mərakeş nümayəndələri Ebola virusunun yayılmasından ehtiyatlandıqları üçün 2015-ci ilin Afrika Xalqları Kuboku turnirini keçirməkdən imtina ediblər. Nəticədə turnirin yeri Ekvatorial Qvineyaya keçirilib.

Bəyanatda deyilir: “Beləliklə, İcraiyyə Komitəsi CAF-ın nizamnaməsinə uyğun olaraq, Mərakeş milli yığmasını 2017 və 2019-cu illərdə keçiriləcək Afrika Xalqları Kuboku turnirlərində iştirak etməkdən kənarlaşdırmağı, habelə federasiyanı bir milyon dollar məbləğində cərimələməyi qərara alıb”.

Bundan əlavə, CAF ona dəyən maddi ziyanı kompensasiya etmək üçün Mərakeş Krallığının Futbol Federasiyasından 8,05 milyon avro almağa ümid bəsləyir. (AzərTAc)

Ölkə.Az