Yunanıstanda çempionat dayandı
Yunanıstan superliqasının oyunları müvəqqəti olaraq təxirə salınıb.
Ölkə.Az-ın qol.az-a istinadən verdiyi məlumata görə, bu barədə qərarı Yunanıstan Futbol Federasiya verib.
Buna superliqanın 25-ci turunda keçirilən "Panatinaykos" - "Olimpiakos" matçında baş verən xoşagəlməz hadisələr səbəb olub. Meydan sahiblərinin 2:1 hesabı ilə qalib gəldiyi oyunöncəsi "Panatinaykos" azarkeşləri qonaq komandanın prezidenti Vangelis Marinakisə məşəl atıblar.
Daha sonra meydana daxil olan çılğın fanatlar "Olimpiakos"un baş məşqçisi Vietro Pereyra və rəqib oyunçuları qovmağa cəhd ediblər. Futbolda şiddətin qarşısını almağa çalışan Yunanıstan Futbol Federasiyası superliqanın qarşıdakı turlarının təxirə salındığını elan edib. Çempionat oyunlarının nə zaman bərpa ediləcəyi hələlik məlum deyil.
Ölkə.Az
