"Qarabağ" azarkeşlərinə demək istəyirəm ki..."

"Bura əvvəl olduğum ölkələrdən fərqli bir yerdir. Demək olar ki, Bakı bir Avropa şəhəridir. Ümumiyyətlə, buradakı mühit xoşuma gəlir."Qarabağ"la yeni müqavilə imzaladığım üçün şadam".

Bu sözləri "Qarabağ"ın yeni transferi Dani Kintana klubun saytına deyib.

İspan oyunçu qeyd edib ki, "Qarabağ"ın uğurları haqda məlumatı var:

"Bilirəm ki, komanda Çempionlar Liqasına vəsiqə qazanmaq üçün əlindən gələni edir. Belə bir məqsədi olan komandanın şərəfini qoruduğum üçün şadam".

D.Kintana "Qarabağ" azarkeşlərinin ona olan ümidlərini doğrultmağa çalışacağını söyləyib:

"Qarabağ"a azarkeşlərinə demək istəyirəm ki, oynayacağım zaman onların ümidlərini doğruldacam. Çempionlar Liqasına gedəcəyimiz təqdirdə, komandam üçün əlimdən gələni edəcəm".

Qeyd edək ki, D.Kintana dünən "Qarabağ"la üç illik müqavilə imzalayıb./qol.az/

Ölkə.Az