Avroliqada yarımfinalçılar müəyyənləşib

“Zenit” adını yarımfinala yazdıra bilərdi.

Qitənin II ən nüfuzlu turniri olan Avropa Liqasında yarımfinalda iştirak edəcək komandaların adı bəlli olub.

Ölkə.Az Oxu.az-a istinadən xəbər verir ki, 1/4 final mərhələsinin cavab oyunlarından sonra iki İtaliya, bir İspaniya və Ukrayna klubu növbəti mərhələyə adlayınb.

“Volfsburq”unu şans tanımayan “Napoli” demək olar ki, böyük ölçüdə cütün taleyini həll etmişdi. 4 qolun olduğu matçda bərabərlik pozulmadı. Ancaq Neapol təmsilçisi finala gedən yolda bir qədər də irəlilədi.

“Fiorentina” isə doğma meydanındakı matça sərfəli nəticə ilə çıxdı. Ukraynada “Dinamo” ilə bərabərliyə qalan florensiyalılar yarımfinal arzusunda idi və bu istəyinə iki cavabsız qolla çatdı.

Dnepr” isə Belçikanın “Brügge” komandasına minimal hesabla qalib gələrək, özünü yaxşı tərəfdən göstərə bildi və Ukrayna təmsilçisi gizli favorit təsir bağışladı.

“Zenit” Avroliqanın son qalibi “Sevilya” ilə münasibətlərinə aydınlıq gətirdi. İspaniyadakı birinci qarşılaşmada qalibiyyəti sonradan buraxdığı 2 qolla əldən verən Sankt-Peterburq təmsilçisi minimal hesablı qələbə ilə adını yarımfinala yazdıra bilərdi.

23 aprel
Avropa Liqası, 1/4 final, cavab oyunları

"Dnepr" (Ukrayna) - "Brügge" (Belçika) - 1:0
Qol: Şakov, 82
İlk oyun: 0:0

"Fiorentina" (İtaliya) - "Dinamo" (Kiyev, Ukrayna) - 2:0
Qol: Mario Qomez, 43; Varqas, 90
İlk oyun: 1:1

"Napoli" (İtaliya) - "Volfsburq" (Almaniya) - 2:2
Qollar: Kalyexon, 49; Mertens, 65; - Timm Kloze, 71; Perişiç, 73
İlk oyun: 4:1

"Zenit" (Rusiya) - "Sevilya" (İspaniya) - 2:2
Qollar: Rondon, 48; Halk, 72 - Bakka, 6 (pen.); Qameyro, 85
İlk oyun: 1:2

Ölkə.Az