Valideynləri iki erməni cüdoçunu Bakıya buraxmadılar

Ermənistanın cüdo üzrə yığmasının baş məşqçisi Tiqran Babayan bəyan edib ki, onun komandası Bakıda keçiriləcək Avropa Oyunlarına yaxşı hazırlaşıb.

“Bakıya Oqanes Davtyan (60 kq), David Nikoqosyan (73 kq) və Janna Stankeviç (52kq) gələcək. Şəxsi məşqçilərinin və valideynlərinin Oyunlarda iştirak etmələrinə qarşı olduqları, Arsen Kazaryan və Andranik Çaparyan iştirakdan imtina ediblər. Mən və federasiyanın vitse-prezidenti David Xitaryan idmançılarımız ilə Bakıya yola düşəcəyik”.

“Bizim cüdoçular yaxşı formadadırlar, belə ki, onlar daima təlim məşqlərində və beynəlxalq yarışlarda iştirak edirlər. Hal-hazırda Antalyada təlim məşqi keçirik, iyunun 5-də isə Minskdə təlim məşqi keçirəcəyik. Medal almağa səy göstərəcəyik.

Biz və idmançılarımız üçün Bakıda keçiriləcək Avropa Oyunları Avropa çempionatına bənzər adi yarışlardır. Bu, siyasət deyil, idmandır. Bəli, gərginlik var, amma buna fikir verməməyə çalışırıq.

Əgər Avropa Oyunları və Avropa çempionatının vaxtı üst-üstə düşməsəydi, biz Avropa birinciliyində geniş tərkibdə iştirak edərdik. Mən hələ də Ermənistanın Oyunlarda iştirak edəcəyindən əmin deyiləm”, - Tiqran Babayan qeyd edib.oxu.az

Ölkə.Az