AVRO-2020: Türkiyə çempionatla vidalaşdı, İtaliya və Uels 1/8 finalda - YENİLƏNİB+FOTO
"Ölkə.Az" xəbər verir ki, matç İsveçrənin 3-1 hesablı qalibiyyəti ilə başa çatıb. Türkiyə hər üç oyunda məğlub olaraq, Avropa Çempionatını 0 xalla tərk edib.
Bu qrupun digər oyununda isə 1/8 finala vəsiqəni ötən tur təmin etmiş İtaliya millisi Uels yığmasını sınağa çəkib. Romadakı “Olimpiko“ stadionunda keçirilən görüş meydan sahiblərinin 1:0 hesablı qələbəsi ilə yekunlaşıb. Yeganə qolu 39-cu dəqiqədə Matteo Pessina vurub. İsveçrə ilə xallar bərabər olsa da, daha az qol buraxan britaniyalılar pley-offa adlayıblar. İsveçrəlilər isə son turun digər oyunlarının nəticəsindən asılı olaraq, ən yaxşı qrup 3-cüsü kimi 1/8 finala yüksələ bilərlər.
***
İsveçrə - Türkiyə matçında 4-cü qol vurulub.
"Ölkə.Az" xəbər verir ki, matçın 68-ci dəqiqəsində Xerdan Şaqiri özünün ikinci, komandasının isə 3-cü qoluna imza atıb: İsveçrə 3 - Türkiyə 1
***
İsveçrə - Türkiyə oyununda daha bir qol vurulub.
"Ölkə.Az" xəbər verir ki, matçın 62-ci dəqiqəsində İrfan Can Kahveci Türkiyənin Avro - 2020-dəki ilk qolunu vurub: İsveçrə 2 - Türkiyə 1
***
İsveçrə - Türkiyə oyununda ikinci qol vurulub.
"Ölkə.Az" xəbər verir ki, matçın 26-cı dəqiqəsində Xerdan Şaqiri fərqi iki topa çatdırıb: İsveçrə 2 - Türkiyə 0
***
"Ölkə.Az" xəbər verir ki, İsveçrənin hücumçusu Haris Seferoviç matçın 6-cı dəqiqəsində komandasını önə keçirib: İsveçrə 1 - Türkiyə 0
***
"Ölkə.Az" xəbər verir ki, AVRO-2020-nin A qrupunun İsveçrə və Türkiyə milli futbol komandaları arasında Bakıda keçirilən son qrup matçı başladı.
***
AVRO-2020-nin A qrupunun İsveçrə və Türkiyə milli futbol komandaları arasında Bakıda keçiriləcək son qrup matçı üçün start heyətləri açıqlanıb.
"Ölkə.Az" xəbər verir ki, millilər oyuna bu heyətlə çıxacaq:
İsveçrə: 1. Yan Sommer (Q) 3. Silvan Vidmer, 4. Niko Elvedi, 5. Manuel Akanji, 7. Breel Embolo, 8. Remo Freuler, 9. Haris Seferoviç, 10. Qranit Caka, 13. Rikardo Rodriqez, 14. Steven Zuber, 23. Xerdan Şaqiri
Türkiyə: 23.Uğurcan Çakır (Q), 2.Zeki Çelik, 3.Merih Demiral, 4.Çağlar Söyüncü, 6.Ozan Tufan, 7.Cengiz Ünder, 10.Hakan Çalhanoğlu, 17.Burak Yılmaz, 21.İrfan Can Kahveci, 22.Kaan Ayhan, 25.Mert Müldür
Bakı Olimpiya Stadionunda oynanılacaq qarşılaşma saat 20:00-da başlayacaq.
