Natavan məhkəmədən danışdı

Müğənni Natavan Həbibi xalq artisti Aygün Kazımova və prodüser Toliklə aralarındakı məhkəmə prosesinin aqibətindən danışıb.

Sənətçi bunları deyib:

“Tolik Ali məhkəmədə də uduzdu. Bundan o tərəfi yoxdur. Mən bu hallardan bezmişəm. Onlar dayanmırlar. Uduzurlar, yenə apellyasiya məhkəməsinə müraciət edirlər. Mən öz işimdəyəm. Məndə problem ola bilməz. Haqq tərəfindəyəm. Bu işin axırına qədər getdim və qalib gəldim. Çünki mənə şər atdılar”.

N.Həbibi onu klub müğənnisi adlandıranlara da cavab verib:

“Mən müğənniyəm. Sabah klubda da oxuya bilərəm, böyük sarayda da. Heydər Əliyev Sarayında konsert vermişəm. Bir dənə də olsun klub mahnısı oxumadım”. 

Xatırladaq ki, Natavan Aygün Kazımova, Tolik və Zöhrab Ağayevi şərəf və ləyaqətinin təhqir olunması, işgüzar nüfuza xələl gətirməsi iddiası ilə məhkəməyə vermişdi. Məhkəmənin qərarına əsasən, qarşı tərəf N.Həbibinin erməni milliyyətinə mənsubluğu barədə yaydığı yalan məlumatı təkzib etməli, ondan üzr istəməlidir. (axsam.az)

Ölkə.Az