Messi Ronaldunun rekordunu təkrarlayıb
PSJ-nin futbolçusu Lionel Messinin evdə Belçika "Brügge"sinə qarşı UEFA Çempionlar Liqasının (ÇL) qrup oyununda vurduğu qol argentinalı hücumçu üçün əlamətdar olub.
"Ölkə.az" xəbər verir ki, görüşün 38-ci dəqiqəsində komandasının 3-cü qoluna imza atan 34 yaşlı forvard qitənin ən nüfuzlu klub turnirində məyus etdiyi komandaların sayını 38-ə çatdırıb.
Ulduz futbolçu bu göstərici ilə hazırda İngiltərənin "Mançester Yunayted" klubunda çıxış edən portuqaliyalı hücumçu Kriştianu Ronaldunun rekordunu yeniləyib.
"Brügge" ilə qarşılaşmada dubl edən PSJ-nin digər qolçusu Kilian Mbappe isə ÇL-də 30 qol vuran ən gəc futbolçu ünvanını ələ keçirib. 22 yaş 352 günlüyündə buna nail olan fransalı forvard Messinin (23 yaş 131 günlük) rekordunu yeniləyib.
Qeyd edək ki, hazırda PSJ - "Brügge" matçında ikinci hissə oynanılır və meydan sahibləri hesabda öndədirlər - 3:1.
