Bakı Olimpiya Stadionu ilin ən yaxşı layihəsi elan edildi
Bakı Olimpiya Stadionu idman qurğuları kateqoriyasında ilin ən yaxşı layihəsi elan olunub.
Ölkə.Az-a Dövlət Neft Şirkətindən (SOCAR) verilən məlumata görə, bu barədə inşaat sahəsində böyük beynəlxalq nüfuza malik “Engineering News Record” jurnalının (ENR) yaydığı siyahıda yer alıb.
Məlumat üçün bildirək ki, qalib gəlmiş layihələr və münsiflər haqqında geniş məlumat adıçəkilən jurnalın sentyabrın 7-də buraxılacaq sayında dərc olunacaq.
Xatırladaq ki, Bakı Olimpiya Stadionu SOCAR-ın baş podratçılığı ilə inşa edilib. “Bakı-2015” ilk Avropa Oyunlarının açılış və bağlanış mərasimləri, həmçinin yüngül atletika yarışları bu stadionda keçirilib.
Ölkə.Az
