"Qəbələ" PAOK-dan "oğurluq etdi"

Avroliqanın qrup mərhələsindəki iki təmsilçimizdən biri olan "Qəbələ" yeni hücumçu ilə güclənib

Ölkə.Az klubun rəsmi saytına istinadən xəbər verir ki, əyalət təmsilçisi qrup mərhələsindəki rəqibi PAOK-un aparıcı oyunçularından olan argentinalı hücumçu Fakundo Pereyranı rənglərinə bağlayıb.

Qeyd edək ki, təmsilçimizin bir illik icarəyə götürdüyü Pereyra ötən ildən yunan təmsilçisinin şərəfini qoruyur və buna kimi Argentinada “Estudiantes” (2006-2011), “Ximnasiya” (2012-2014, icarə əsasında),Çilidə “Palestino” (2009, icarə əsasında), “Audaks İtaliano” (2011-2012), Meksikada “San Luis” (2012-2014) kimi komandaların şərəfini qoruyub.

"Qəbələ"nin meneceri Səbuhi Səfiyarlının bildirdiyinə görə, forvardın PAOK-dan ayrılmağa razılıq verməsinin əsas səbəbi yunanların baş məşqçisiylə aralarında yaranmış problemə görə heyətdən uzaqlaşdırılmasıdır.

İntiqam VALEHOĞLU
Ölkə.az