\"Qalatasaray\"ın futbolçusuna \"Tottenhem\"in \"gözü düşdü\": Ən bahalı transfer ola bilər!
"Qalatasaray" klub tarixinin ən bahalı satışını gerçəkləşdirə bilər.
Offsideplus.az xəbər verir ki, "Tottenhem" klubu Viktor Nelssonu heyətinə cəlb etmək istəyir. "Hürriyet"in məlumatına görə, London təmsilçisi 24 yaşlı müdafiəçi üçün 22 milyon avro təklif edib. "Cim-Bom" isə qarşı tərəfə Nelssonu 25 milyondan aşağı qiymətə satmayacağını bildirib.
Danimarkalı futbolçunun qeyd olunan məbləğə transferi reallaşsa, "Qalatasaray" tarixinin ən bahalı satışı olacaq.
Qeyd edək ki, klub tarixində ən bahalı satış 16 milyon avro ilə "Stok Siti"yə transfer olunan Badu Ndiadir.
