Azad Rəhimov: Aronyana güzəştə getdik
Gənclər və idman naziri Azad Rəhimov Azərbaycanın işğal edilmiş ərazilərinə səfər edən erməni idmançılarının Bakıda yarışlarda iştirak etməsinə münasibət bildirib.
“Azərbaycan XİN-nin icazəsi olmadan bizim işğal edilmiş torpaqlarımıza ayaq basan hər kəs “qara siyahıya” düşür. Onların Azərbaycana sonrakı girişi qadağan edilir. Bəziləri bizim işğal edilmiş ərazilərə bilmədən səfər edir və sonradan öz üzrxahlıq edirlər. Bəzən isə Azərbaycan idman naminə güzəştə gedir. Levon Aronyan Xankəndidə yarışlarda oynasa da, idman prinsiplərini nəzərə alıb güzəştə getdik”, - deyə nazir vurğulayıb.
Dortmundun “Borussiya” klubunun erməni əsilli futbolçusu Henrix Mxitaryanın Bakıya gələcəyi barədə sualını nazir cavabsız qoyub.
Ölkə.Az
