“Fənərbağça”nın baş məşqçisi millimizin hücumçusundan çəkinir
“Fənərbağça” Türkiyə Super Liqasının IX turunda “Hatayspor”la qarşılaşacaq.
İstanbul təmsilçisinin baş məşqçisi İsmail Kartal komandaya Hatay təmsilçisinin üç futbolçusuna xüsusi diqqət edilməsini bildirib.
Bunlar Azərbaycan millisinin hücumçusu Renat Dadaşov, Fiyaso Dele-Başiru və Riqoberto Rivasdır. Mütəxəssis mövsümə yaxşı başlayan hücum oyunçularının daim nəzarətdə saxlanılmasını istəyib.
Oktyabrın 22-də keçiriləcək “Fənərbağça” - “Hatayspor” oyunu saat 20:00-da başlayacaq.