"Neftçi"də gözlənilməz ayrılıq
"Neftçi" klubunda gözlənilməz ayrılıq baş verib.
"Neftçi TV"nin əməkdaşı, tanınmış şərhçi İsmayıl Abdullayev klubun televiziyasından ayrılıb. O, bu barədə sosial şəbəkə hesabında xəbər yayıb.
"3 ildən artıq müddətdə çalışdığım "Neftçi" ilə öz istəyimlə işçi olaraq yollarımı ayırdım. Bu zaman kəsiyində daha fərqli təcrübə, praktika qazandım. Ən əsası, uşaqlıqdan fanatı olduğum klubda fəaliyyət göstərmək kimi şərəfə nail oldum. "NEFTÇİ" və onun ailəsi, hər şeyə görə təşəkkürlər! Artıq işçisi olmasam da, FLAQMAN həmişə ürəyimdədir", İ.Abdullayev qeyd edib.
