AFFA “Kəpəz” və “Sumqayıt”ı cərimələdi
AFFA İntizam Komitəsinin növbəti iclası keçirilib.
“Ölkə.az” xəbər verir ki, Azərbaycan Premyer Liqasının XXIII turunun 2 oyununda baş verən neqativ hallara hüquqi qiymət verilib.
“Sabah”la görüşdə 5 futbolçusu sarı vərəqə alan “Kəpəz” 700 manat cərimələnib.
“Sumqayıt” – “Turan Tovuz” matçında meydançaya kənar şəxs daxil olduğundan, birincilər 800 manat cərimə olunub.
“Sumqayıt”ın fasilədən sonra meydançaya gec daxil olması səbəbindən ikinci hissə 4 dəqiqə gec başlayıb. Bu, “gənclik şəhəri” təmsilçisinin daha 1500 manat cərimə edilməsinə səbəb olub.
