Premyer Liqa: "Araz-Naxçıvan" "Sumqayıt"a qalib gəldi

Azərbaycan Premyer Liqasının 13-cü turunda daha bir oyun keçirilib.

Ölkə.az xəbər verir ki, "Araz-Naxçıvan" "Sumqayıt"la üz-üzə gəlib.

Qarşılaşma Naxçıvan klubunun qələbəsi ilə başa çatıb - 1:0. 87-ci dəqiqədə Ülvi İsgəndərov fərqlənib.

Bu nəticədən sonra xallarının sayını 30-a çatdıran Naxçıvan klubu hələlik birinci pillədə qərarlaşıb. "Gənclik şəhəri" təmsilçisi 13 xalla yeddinci sırada yer alıb.

Günün digər matçında "Qarabağ" "Zirə" ilə üz-üzə gələcək.

Qeyd edək ki, turun əvvəlki oyunlarında "Neftçi" "Şamaxı" ilə (2:2), "Səbail" "Turan Tovuz"la (1:1), "Sabah" isə "Kəpəz"lə (2:2) heç-heçə edib.