7 qol vuruldu: Tovuzda dava düşdü - VİDEO
Azərbaycan Premyer Liqasında XIX turun daha bir oyunu keçirilib.
Ölkə.Az xəbər verir ki, Qərb derbisində autsayder “Kəpəz” “Turan Tovuz”la qarşılaşıb. Görüş Gəncə təmsilçisinin 5:2 hesablı qələbəsi ilə yekunlaşıb.
“Kəpəz”in heyətində Yeqor Xvalko, Turan Manafov (2 qol), Mahamadu Ba və Kərim Lkoça fərqləniblər. “Turan Tovuz”un qollarını isə Kristian da Silva ilə Rəhim Sadıxov vurublar.
Bu nəticədən sonra xallarını 14-ə çatdıran “Kəpəz” yenidən 9-cu pilləyə yüksəlib. Tovuz klubu isə 32 xalla 4-cü pillədə qərarlaşıb.
Qeyd edək ki, oyunda Turan Manafov 3-cü qolu tovuzluların qapısından keçirəndən sonra ara qarışıb. Futbolçular bir-birlərinə hücum edib.
Xatırladaq ki, turun daha əvvəl keçirilən matçlarında “Qarabağ” “Şamaxı”ya 3:2, “Zirə” “Araz-Naxçıvan”a 1:0, “Səbail” isə “Sumqayıt”a 2:0 hesabı ilə qalib gəlib.
