“Zirə” “Neftçi”ni məğlub edib: 6 qol
Bu gün Misli Premyer Liqasında XXX tura yekun vurulub.
Ölkə.az xəbər verir ki, son oyun günündə iki qarşılaşma keçirilib.
Turun mərkəzi görüşündə “Neftçi” “Zirə” ilə qarşılaşıb.
Oyuna yaxşı başlayan ev sahibləri ilk hissəni 2:1 hesabı ilə öndə başa vura biliblər. Lakin “Neftçi” bu üstünlüyü qoruyub saxlaya bilməyib. Qonaqlar rəqib qapısından ardıcıl 3 top keçirərək, matçı 4:2 hesabı ilə qələbə ilə başa vurublar.
Qeyd edək ki, turun daha əvvəl keçirilən görüşlərində “Qarabağ” “Səbail”i (4:1), “Turan Tovuz” “Sabah”ı (2:1), “Şamaxı” “Sumqayıt”ı (2:1) məğlub edib. “Kəpəz” - “Araz-Naxçıvan” görüşü isə qolsuz bərabərliklə yekunlaşıb.
