"Fənərbağça"dan "Real Madrid"ə: Xabi Alonsodan gözlənilməz istək
İspaniya nəhəngi “Real Madrid” yay "transfer pəncərəsi"ndə bosniyalı Edin Cekonu ehtiyat mərkəz oyunçusu kimi sıralarına qatmaq istəyib.
Ölkə.Az xarici mətbuata istinadən xəbər verir ki, Xabi Alonso təcrübəsi və sabit çıxışı ilə seçilən bir hücumçu axtarışındadır.
Ceko son mövsümdə Türkiyənin “Fənərbağça” klubunda çıxış edib və hazırda azad agentdir. Lakin Türkiyə mətbuatı yazır ki, Edin Dzeko İtaliya təmsilçisi "Komo" ilə rəsmi müqavilə imzalayacaq. Anlaşmanın müddəti bir il üçün nəzərədə tutulub.
Xatırladaq ki, təcrübəli hücumçu geridə qalan futbol ilində İstanbul təmsilçisinin heyətində 55 oyuna çıxıb, 21 dəfə fərqlənib və 8 məhsuldar ötürmə ilə yadda qalıb.
