Azərbaycan millisi seçmə mərhələdəki son matçında Fransa yığmasına uduzub - YENİLƏNİB
Ölkə.az xəbər verir ki, Ayxan Abbasovun baş məşqçisi olduğu kollektiv Bakıda Fransa yığmasını qəbul edib.
Tofiq Bəhramov adına Respublika stadionundakı qarşılaşma rəqibin qələbəsi ilə yekunlaşıb - 3:1.
Hesabı 4-cü dəqiqədə Renat Dadaşov açıb.
Qonaqlarda isə 17-ci dəqiqədə Jan-Filipp Mateta, 30-cu dəqiqədə Manes Akliuş, 45+1-ci dəqiqədə Kefrren Türam fərqləniblər.
D qrupunun digər matçında Ukrayna İslandiyanı üstələyib - 1:0.
Qeyd edək ki, 16 xalla qrupda lider olan Fransa komandası DÇ-2026-nın final mərhələsinə vəsiqəni əvvəlki turda təmin edib. Xallarının sayını 10-a çatdıran Ukrayna pley-offa yüksəlib. 7 xalı olan İslandiya seçmə mərhələni üçüncü sırada bitirib. Azərbaycan millisi 1 xalla dördüncü ola bilib.
***
DÇ-2026-nın seçmə mərhələsinin Azərbaycan - Fransa oyununda ilk hissə başa çatıb.
Qonaqlar fasiləyə öndə yollanıblar - 3:1.
4-cü dəqiqədə Renat Dadaşov hesabı açıb. Qonaqlarda isə 17-ci dəqiqədə Jan-Filipp Mateta, 30-cu dəqiqədə Manes Akliuş, 45+1-ci dəqiqədə Kefrren Türam fərqlənib.
***
DÇ-2026-nın seçmə mərhələsinin Azərbaycan - Fransa oyununda üçüncü qol vurulub.
Qonaqlar bu dəfə hesabda önə keçiblər - 2:1.
30-cu dəqiqədə Manes Akliuş fərqlənib.
***
DÇ-2026-nın seçmə mərhələsinin Azərbaycan - Fransa oyununda ikinci qol vurulub.
Bu dəfə qonaqlar tarazlığı bərba ediblər - 1:1.
***
DÇ-2026-nın seçmə mərhələsində keçirilən Azərbaycan - Fransa oyununda ilk qol vurulub.
Ölkə.az xəbər verir ki, Azərbaycan millisi matçda hesabı açıb.
***
2026-cı il futbol üzrə dünya çempionatının seçmə mərhələsinin altıncı turu çərçivəsində D qrupunda Azərbaycan - Fransa matçı start götürüb.
Ölkə.az xəbər verir ki, Tofiq Bəhramov adına Respublika stadionunda keçirilən matçı Latviyadan olan hakim Andris Treymanis idarə edir.
Qeyd edək ki, son tur ərəfəsində Fransa millisi 13 xalla birinci, Azərbaycan millisi isə bir xalla dördüncüdür.
***
DÇ-2026-nın seçmə mərhələsinin oyununda bu gün üz-üzə gələcək Azərbaycan və Fransa millilərinin start heyətləri bəlli olub.
Ölkə.az xəbər verir ki, komandalar meydana aşağıdakı "11-lik"də çıxacaqlar.
Azərbaycan: Şahruddin Məhəmmədəliyev, Rəhman Daşdəmirov, Bəhlul Mustafazadə, Anton Krivotsyuk, Emin Mahmudov, Renat Dadaşov, Xəyal Əliyev, Elvin Bədəlov, Ceyhun Nuriyev, Abdulla Xaybulayev, Qismət Alıyev
Fransa: Lukas Şevalye, Malo Qusto, Kefrren Türam, Kristofer Nkunku, Uqo Ekitike, Akliuş, İbrahima Konate, Vayne Zayr-Emeri, Con Mateta, Lukas Hernandes, Teo Hernandes
Qeyd edək ki, bu gün Tofiq Bəhramov adına Respublika stadionunda keçiriləcək matç saat 21:00-da start götürəcək.
