"Sumqayıt" və "Şamaxı"nın baş məşqçiləri cəzalandırılıb

Ölkə.az xəbər verir ki, bu barədə AFFA İntizam Komitəsinin iclasında qərar qəbul olunub.

Mütəxəssis Misli Premyer Liqasının XIII turunda baş tutan "Şamaxı" – "Sumqayıt" oyununun 88-ci dəqiqəsində rəqib komandanın texniki zonasına aqressiv şəkildə daxil olduğuna görə cəzalandırılıb. Baş məşqçi 1 oyunluq diskvalifikasiya edilib, "Şamaxı" isə 2000 manat cərimələnib.

İntizam Komitəsi "Sumqayıt"ın baş məşqçisi Saşa İliçə daha ağır cəza verib. Mütəxəssis "Şamaxı" ilə matçda rəqib komandanın texniki zonasına qeyri etik ifadə və ya hərəkətə görə 4 oyunluq diskvalifikasiya olunub. "Sumqayıt" klubu isə baş məşqçinin hərəkətinə görə 10000 manat cərimələnib.

Bundan əlavə "Sumqayıt" 5 futbolçusunun sarı vərəqə almasına görə 700 manat cərimələnib.

29.11.2025-ci il tarixində Misli Premyer Liqasında XIII turun "İmişli" – "Sabah" oyununda "İmişli" komandasının azarkeşləri tərəfindən pirotexniki vasitədən istifadə edildiyinə görə "İmişli" komandası 3000 manat cərimə edilsin (maddə 86.3);

30.11.2025-ci il tarixində Misli Premyer Liqasında XIII turun "Qəbələ" – "Araz-Naxçıvan" oyununun 90+4-cü dəqiqəsində "Qəbələ" komandasının 28 nömrəli futbolçusu Murad Musayev ikici sarıdan qırmızı vərəqə aldığı üçün 1 oyun oyuna buraxılmasın, "Qəbələ" komandası 500 manat cərimə edilsin (maddə 17.5, 17.7);