"Qarabağ" son dəqiqədə qələbə qolunu vurdu - QOLLAR
"Ölkə.Az"ın məlumatına görə, Tofiq Bəhramov adına Respublika stadionunda reallaşan matç Azərbaycan çempionunun 3:2 hesablı qələbəsi ilə bitib.
Ağdam təmsilçisinin heyətində Kamilo Duran dubl müəlliffi (4, 80) olub. Qonaqların heyətində Can Uzun (11) və Fares Chaibi (78-pen) fərqləniblər. "Köhlən atlar"a qələbə gətirən qola isə 90+4-cü dəqiqədə Bəhlul Mustafazadə imza atıb.
Bununla da ağdamlılar cari mövsüm Çempionlar Liqasının Liqa mərhələsindəki xallarının sayını 10-ə çatdırıblar.
Qeyd edək ki, Qurban Qurbanovun rəhbərlik etdiyi kollektiv sonuncu - VIII turda, dekbarın 29-da səfərdə İngiltərənin "Liverpul" kollektivinin qonağı olacaq.
***
Bəhlul Mustafazadə 94-cü dəqiqədə 3-cü qolu almanların qapısından keçirir.
***
"Qarabağ" - “Ayntraxt” oyununda ardıcıl qollar vurulub.
Ölkə.Az xəbər verir ki, matçın 78-ci dəqiqəsində qonaqlar penaltidən qol vurduqdan qısa müddət sonra 80-ci dəqiqədə Kamilio Duran hesabı bərabərləşdirib.
***
Bakıda UEFA Çempionlar Liqasının əsas mərhələsinin VII turu çərçivəsində keçirilən “Qarabağ” və “Ayntraxt” (Almaniya) komandaları arasındakı oyunda ikinci hissə başlayıb.
Ölkə.az xəbər verir ki, Tofiq Bəhramov adına Respublika Stadionunda təşkil olunan görüşün ilk yarısından sonra hesab bərabərdir - 1:1.
Qarşılaşmanı İsveçrədən olan hakimlər briqadası idarə edir.
***
Bakıda UEFA Çempionlar Liqasının əsas mərhələsinin VII turu çərçivəsində keçirilən “Qarabağ” və “Ayntraxt” (Almaniya) komandaları arasındakı oyunda ilk hissə başa çatıb.
Ölkə.Az xəbər verir ki, komandalar Tofiq Bəhramov adına Respublika Stadionunda təşkil olunan matçın fasiləsinə 1:1 hesablı heç-heçə ilə yollanıblar.
***
"Ayntraxt Frankfurt" hesabı bərabərləşdirdi. Can Uzun 10-cu dəqiqədə cavab qolunu vurur.
***
"Qarabağ"ın hücumçusu Kamilo Duran oyunun 4-cü dəqiqəsində hesabı açıb.
***
"Qarabağ" UEFA Çempionlar Liqasının əsas mərhələsinin yeddinci turunda növbəti oyununa çıxır.
Ölkə.Az xəbər verir ki, təmsilçimiz Almaniyanın "Ayntraxt Frankfurt" klubu ilə üz-üzə gəlir.
Tofiq Bəhramov adına Respublika stadionunda keçirilən matç başlayıb.
