Nəriman Axundzadənin ABŞ yolunun gizli tərəfi - Azərbaycanın ən bahalı transferi
Nəriman Axundzadənin ABŞ klubuna keçidi ilə Azərbaycan tarixinin ən bahalı transferi baş tutdu.
Ölkə.Az xəbər verir ki, "Qarabağ" onun satışından 1.25 milyon avro qazandı.
Maraqlıdır, necə oldu ki, "Kolumbus Kryu" klubu okeanın o tayından N.Axundzadəyə elçi düşdü?
Belə ki, "Qarabağ"ın bir neçə yerli futbolçusunun Fransa menecer şirkətinin müştərisi olduğu məlum olub. Nəriman da onların arasında yer alıb. Bu barədə idman jurnalisti Səbuhi Musa bildirib. "Kolumbus Kryu"nun baş meneceri İssa Tall və 3 futbolçusu da Fransadandır. Əlcəzair, Seneqal, Qvineya kimi keçmiş Fransa müstəmləkələrindən də oyunçular burda var. Jurnalistin fikrincə, bununla "Nəriman neylədi ki, amerikanlar bəyəndi?" sualına aydınlıq gətirilir.
"Kolumbus Kryu"nun baş meneceri İssa Toll azərbaycanlı hücumçu barədə bunları deyib:
"Nəriman klubumuza fərqli bacarıqlar gətirəcək və bu, komandamıza əlavə bir ölçü qatacaq. Onun texniki keyfiyyətləri və yüksək iş əzmi oyun üslubumuzla çox yaxşı uyğunlaşır. Gənc yaşına baxmayaraq, Nəriman artıq həm ölkə daxilində, həm Avropa səviyyəsində, həm də milli komandada təcrübə qazanıb. Onu Kolambusda qarşılamaqdan məmnunuq və klubumuzda necə inkişaf edəcəyini səbirsizliklə gözləyirik".
Bundan əvvəl Nəriman Axundzadəyə Səudiyyə Ərəbistanından da təklifin olduğu ortaya çıxıb. İddiaya olunur ki, “Qarabağ” transferə görə ərəblərdən daha çox - 2.5 milyon avrodan artıq istəyib.
Miri
Ölkə.Az
