Yamal tarixə düşdü
“Barselona”nın cinah hücumçusu Lamin Yamal La Liqada 2025/26 mövsümünün ən yaxşı futbolçusu seçilib.
Ölkə.az xəbər verir ki, bu mükafat 2009-cu ildə təsis olunub. Həmin vaxtdan bəri ilk dəfədir ki, mükafata ispaniyalı futbolçu layiq görülür. Beləliklə, Kataloniya təmsilçisinin 18 yaşlı ulduzu ölkə çempionatında bu ada sahib olan ilk ispaniyalı kimi tarixə düşüb.
Mükafatın rekordçusu 9 dəfə qalib olan Lionel Messidir. Kərim Benzema iki dəfə bu ada layiq görülüb. Kriştiano Ronaldo, Antuan Qrizmann, Mark-Andre ter Ştegen, Cud Bellinqem, Rafinya və Yan Oblak isə hərəyə bir dəfə mövsümün ən yaxşı futbolçusu seçiliblər.
Lamin Yamal cari La Liqa mövsümündə 28 oyunda meydana çıxıb. İspaniyalı futbolçu bu görüşlərdə 16 qol vurub və 12 məhsuldar ötürmə edib.(publika)
