ABŞ-yə buraxılmayan hakim UEFA-dan təyinat aldı
ABŞ-yə girişinə icazə verilməyən somalili hakim Ömər Artana yeni təyinat verilib.
"Ölkə.az" xəbər verir ki, FIFA referisi PSJ və “Aston Villa” arasında keçiriləcək UEFA Super Kuboku matçını idarə edəcək.
UEFA-nın açıqlamasına görə, avqustun 12-də Avstriyanın Zalsburq şəhərində oynanılacaq qarşılaşmada Somali Futbol Federasiyasını təmsil edən Ömər Artan baş hakim olacaq.
Bildirilib ki, bu təyinat UEFA ilə CAF (Afrika Futbol Konfederasiyası) arasında aparılan xoşməramlı danışıqların nəticəsi olaraq reallaşıb.
Qeyd edək ki, 2026-cı il dünya çempionatında hakimlik etmək üçün seçilən Artan ABŞ-a girişinə icazə verilmədikdən sonra Türkiyə vasitəsilə ölkəsinə qayıtmışdı.
