Rusiya futboluna qoyulan qadağa nə vaxt aradan qaldırılacaq?

Avropa Futbol Assosiasiyaları İttifaqının (UEFA) İcraiyyə Komitəsinin qərarına əsasən, Rusiya futbol klubları 2026/27 mövsümündə Avropa yarışlarında oynamayacaq.

Ölkə.az xəbər verir ki, qışda Rusiya milli komandasının da 2026/27 Millətlər Liqasında iştirak etməyəcəyi açıqlanmışdı. Başqa sözlə, 2022-ci ildə tətbiq edilən qadağa hələ də aradan qaldırılmayıb.

Bildirilir ki, rusiyalı idmançılara getdikcə daha çox idman növü üzrə beynəlxalq turnirlərdə iştirak etməyə icazə verilir. Bu zaman onlar öz dövlət bayraqları və himnləri ilə yarışırlar, ancaq UEFA hələ də Rusiyanın futbol klublarına milli komandasına qadağa tətbiq edir.

RF baş nazirinin müavini Dmitri Çernışenko bildirib ki, hazırda qadağadan qurtulmuş 12 idman növü var və bunların hamısı Olimpiya proqramının bir hissəsidir. “2022-ci illə müqayisədə bu, sadəcə bir yumşalmadır. Lakin bu, hələlik futbola təsir göstərmir”, - baş nazir müavini deyib.

Sloveniyalı UEFA prezidenti Aleksandr Çeferin 2025-ci ilin payızında "Politico"ya verdiyi müsahibədə rusiyalılara qarşı qadağa ilə bağlı mövqeyini açıqlayıb. "Mən idmançıların yarışlara buraxılmamasının tərəfdarı deyiləm. Axı, idmançı münaqişələrin qarşısını almaq üçün nə edə bilər? Bu, çox, çox çətindir. Rusiya komandalarına qoyulan qadağa üç il yarımdır ki, davam edir. Müharibə dayanıbmı? Xeyr".(musavat)