Modriç karyerasını başa vurur: Hansı komandada rəhbər vəzifəni tutacaq?

Xorvatiya millisinin və "Milan" klubunun yarımmüdafiəçisi Luka Modriç 2026-cı il dünya çempionatından sonra futbolçu karyerasını başa vurmağa hazırlaşır.

"Ölkə.az" xəbərinə görə, bu barədə insayder Nikolo Skira məlumat verib.

Mənbənin məlumatına görə, 40 yaşlı futbolçu karyerasını başa vurduqdan sonra klubdakı vəzifələrdən birini tutmaq üçün "Real Madrid" ilə razılığa gəlib. Onun "Milan"la müqaviləsi bu ilin 30 iyununa qədər nəzərdə tutulub.

Xatırladaq ki, Luka Modriç 2012-ci ildən 2025-ci ilə qədər "Real"da oynayıb. O, Madrid komandasının tərkibində dördqat İspaniya çempionu olub və altı dəfə Çempionlar Liqasını qazanıb. 2018-ci ildə yarımmüdafiəçi "Qızıl top"un qalibi olub. Modriç milli komandası ilə 2018-ci il dünya çempionatında və Millətlər Liqasında (2022/23) gümüş medal qazanıb.

Qeyd edək ki, Xorvatiya 2026-cı il Dünya Çempionatında L qrupunda İngiltərə (17 iyun), Panama (24 iyun) və Qana (28 iyun) ilə oynayacaq. Turnir ABŞ, Kanada və Meksikada keçirilir.(oxu.az)