TNS səddi keçilməzsə, "Sabah"ı kimlər gözləyir? - Rəqiblər məlumdur
Azərbaycanı avrokuboklarda təmsil edən "Sabah" klubunun UEFA Konfrans Liqasının II təsnifat mərhələsində qarşılaşa biləcəyi potensial rəqiblərinin adlarına aydınlıq gəlib.
Ölkə.az xəbər verir ki, əgər təmsilçimiz UEFA Çempionlar Liqasının I təsnifat mərhələsi çərçivəsində Uelsin TNS komandası ilə mübarizədə məğlub olarsa, yoluna Konfrans Liqasında davam edəcək.
Bu ssenari gerçəkləşəcəyi təqdirdə, komandamız "Flora" (Tallin, Estoniya) və "İberiya" (Gürcüstan) cütlüyünün məğlub tərəfi ilə yaşıl meydanda üz-üzə gələcək.
Qeyd ki, UEFA Konfrans Liqasında 2026/2027 mövsümünün II təsnifat mərhələsi üzrə həlledici qarşılaşmaların iyul ayının 23-ü və 30-da keçirilməsi planlaşdırılır.(oxu.az)
