"Ayaks"ı məyus edən niderlandlı futbolçu faciəli şəkildə həlak oldu
Niderlandlı futbolçu Mats Qrotenbreq suda baş verən bədbəxt hadisə nəticəsində 28 yaşında faciəli şəkildə həyatını itirib.
Ölkə.az xəbər verir ki, bu barədə məlumatı ESPN telekanalı yayıb.
İdmançının ölümü Niderlandın Limburq əyalətində yerləşən "Mukerplas" istirahət zonasında çimərkən qayıqla toqquşması nəticəsində baş verib.
Futbolçu 2023-cü ildə həvəskar "Herkules" klubunun heyətində çıxış edərkən Niderland Kuboku matçının əlavə vaxtında "Ayaks"ın qapısına həlledici qələbə topunu vurmaqla böyük şöhrət qazanmışdı.
Həmin tarixi qarşılaşma 3:2 hesabı ilə başa çatmış və Amsterdam təmsilçisi turnirlə vidalaşmışdı. Qeyd edək ki, Qrotenbreq karyerası ərzində PSV və "Vitess" klublarının gənclər akademiyalarında yetişib, daha sonra isə "TOP Oss" komandasının şərəfini qoruyub.(oxu.az)
